1.1 Kva er Web 2.0, og kva gjer det ulikt frå tidlegare løysingar og meir tradisjonell IKT-bruk i skulen?

audunb — Tue, 19 Jun 2007 11:24:49 GMT

Web 2.0 er ei populærnemning på den nye situasjonen på World Wide Web med deltakardrivne og interaktive nettenester. Web 2.0 kjenneteiknar den nye generasjonen sosiale nettenester som krev aktiv deltaking frå brukarane (tovegskommunikasjon) som arbeider saman (informasjonsdeling). Det er mange ulike definisjonar på kva Web 2.0 er, og ord som: sosialt, viralt, brukarvenleg, brukarstyrt innhald m.m. vert nytta. Wikipedia (som også er et web 2.0-produkt) klarer heller ikkje å gje ein eintydig definisjon , medan grunnleggjaren av ordet, Tim O’Reilly, nyttar ein artikkel på fem sider på å forklara det.

I følgje Arne Krokan er Web 2.0 like mykje ein filosofi, eller ei samling med filosofiar som det er ein teknologi. Web 2.0 er ikkje noko klår definert standard og vert kjenneteikna av m.a ein open kommunikasjon mellom brukarane, ein ikkje sentralisert leiing, fridom til å dela og gjenbruka. Den vektlegg kategorisering og strukturering av informasjon, samstundes har den eit interaktivt brukargrensesnitt og ekskluderer ikkje-deltakande medlemmer.

Redaktør Morten Søby har i “ Digital kompetanse ” skildra kva Web 2.0 står for: “Web 2.0 åpner for massepublisering (webbasert sosial programvare), som blogger og wikis”. Søby seier at Web 2.0 er såkalla ”folksonomier” som kjem til uttrykk gjennom brukarstyrt ”tagging” av innhold, og ein meir uklar overgang mellom det private og offentlege rom.

Arne Krokan forklårar Web 2.0 som ein term som dekker både nye teknologiar og andre arbeidsformer enn det me er vant med frå første generasjons internett. Konsekvensane av desse endringane er mange, og gjer seg gjeldande i ulike sektorar i samfunnet. Krokan viser til Andrew McAfee som har kalla den nye typen verksemd for Enterprise2.0.
Dei utfordringane som McAfee, Wim Veen og andre skriv om gjeld også i skulen som organisasjon, måten me utfører undervisnings- og vegleiingsoppgåver på, kollegial samarbeid, samarbeid med foreldre / styresmakter osv. Sist, men ikkje minst, verkar dette inn på forholdet mellom elevane sjølv.

På YouTube finn ein også ein filmsnutt som forklårar kva Web 2.0 er. Ei meir seriøs forklåring av omgrepet får du på denne filmsnutten og på denne: The Long Tail: This is what I'm talking about

For å orientera seg i jungelen av tenester på netter har SEOmoz gjort sin årlege kåring av dei beste Web 2.0-tenestene. Her kan ein følgja med på nye ting som andre har prøvd ut og vurdert.

Mange Web 2.0 tenester er ikkje nødvendigvis berre morosame og underhaldande. I ein artikkel “What is Web 2.0?” har Paul Anderson skildra nettstaden CiteULike der poenget er at ein skal kunne dele artiklar ein finn på nettet. Målgruppa er akademikarar som arbeider med felles prosjekt eller som har felles interesse for eit fagfelt t.d engelsklærarar i den vidaregåande skulen.
Web 2.0 har ført til nytenking på mange område og mellom anna har me fått Bibliotek 2.0 og for oss i skuleverket Skole 2.0. Skulen kan gjera seg nytte av endringane i Web 2.0 på fleire område. Elevane kan verta medvitne på å utvikla ein delekultur, dei kan utveksla tankar og meiningar via diskusjonsfora, nyhendegrupper, interessegrupper, fagnettverk m.m. Elevane kan dele filer som bilete, musikk, skuleoppgåver m.m. I Web 2.0 forventar ein aktiv friviljug innsats til fellesskapet sitt beste der ingen bidrag er for små eller uviktige.

Wikispaces : eksamenSHL : 1.1 Kva er Web 2.0, og kva gjer det ulikt frå tidlegare løysingar og meir tradisjonell IKT-bruk i skulen? - edits

1.1 Kva er Web 2.0, og kva gjer det ulikt frå tidlegare løysingar og meir tradisjonell IKT-bruk i skulen?